Erriberagoitia udalerria Arabako hego-mendebaldean dago, Euskal Herrian. 120 km2-ko azalera du, Bilborena ia hirukoiztuz. Eta, hala ere, hemen 800 pertsona inguru baino ez dira bizi 23 herrixkatan banatuta. Ni, Vanessa Sánchez, horietako batean bizi naiz 2016an Asiatik itzuli nintzenetik, Pekinen bizi ondoren. Hori bai aldaketa! Ez nintzen inoiz herri batean bizitakoa, eta ezin nuen imajinatu ere egin inoiz landa-eremuan zoriontsu sentituko nintzenik. Are gehiago, Erriberagoitian etxean bezala sentitzen naiz, babestuta sentitzen naiz Zadorra eta Baias erriberen artean, udalerri hau inguratzen duten ibaien artean, alegia.

Erriberagoitian egin ditudan ibilaldi, elkarrizketa eta ikerketetatik atera dira ibilbide hauek, lankidetzan sortutakoak, Mediterraneoko basoak, soroak, historiaurreko aztarnategiak, erlikia apartak, antzinako merkataritza-bide aberatsak, ahaztutako pertsonaiak eta jasangarritasunean aitzindari diren pertsonak dituen lur honetan bizi diren pertsona eta artistekin.

Mendira ateratzen garenean gertatu ohi den bezala, ibilbideok forma ezberdinak hartuko dituzte urtaroaren arabera. Baina beti amaituko dira bertako produktuez osatutako mokadu batekin, beren ingurunearekin eta kalitatearekin konprometitutako pertsonek egindakoekin.

Erriberagoitia Gasteiztik ordu erdira dago, Bilbotik 45 minutura eta Donostiatik ordu eta erdira.