KAIXO!

 

Euskadiko kazetari bat naiz, arima bidaiazalea duena. Mundua sakonki esploratzea gustatzen zait eta, hori bezainbeste, nire lurra ezagutzea.

 

Parisen eta Pekinen berriemaile gisa, eta mundu osoan zehar kazetari gisa egin dudan lanari esker, gure planetako leku asko ezagutzeko aukera izan dut.

16 urterekin hasi nintzen mundura zabaltzen, ikasle-trukean Estatu Batuetara ikasle gisa joan nintzenean. Dodge Cityn (Kansas) eman nuen urtean institutuan graduatu nintzen, eta mugarri bat izan zen nire bizitzan. Amari eta aitari, Josefinari eta Gustavori, betiereko esker ona diet hegoak zabaltzen lagundu zidatelako.

Bidaiatzen ari naizenean —dela lanagatik, dela plazeragatik—, benetako esperientziak bizitzea gustatzen zait. Benetakoa, horixe da, hain zuzen ere, nire Euskal Herrian barrenako walkekin eskaini nahi dizudana.

JAKIN-MINA PIZTEN DUEN KULTURA

Nire bidaietan konturatu naiz Euskal Herriak eta bere kulturak sortzen duten interesaz. Jendeak sarritan galdetzen dit euskaldunen eta gure hizkuntzaren jatorri misteriotsuaz; gurea, euskara, Europako hizkuntza zaharrena baita. Halaber, interesa izan ohi dute mundu mailako aitortza duen gure gastronomiaren eta bertako tradizioen inguruan, besteak beste, neguan sagardotegietan egiten diren topaketen inguruan.

Egin klik hemen sagardotegiei buruz gehiago jakin nahi baduzu

TRADIZIO HARRIGARRIAK

Ez dira inoiz falta euskal gizartearen zati batek irrikatzen duen Espainia eta Frantziarengandik independentea den Euskal Herriari buruzko galderak. Eta jakin-mina izan ohi dute ere harri jasotzaileen inguruan, edo irrintzi ospetsuen inguruan, euskaldunok ospakizun jakin batzuetan egiten ditugun oihu indartsu horien inguruan, zeinak, alaitasun sentimendu sakon baten adierazpen izan ohi diren. Azken horri buruz galdetzen didatenean, egoerak horretarako bide ematen badu, aprobetxatu egiten dut nik neuk bat botatzeko. Eta orduan esaten didate askok eta askok Euskadira etorri nahi dutela, orduan bai, inolako zalantzarik gabe.

Ezagutu doktore tesiarako nire irrintziak

ERREPIDEA ETA ROCK-AND-ROLLA

 

Nire herriaren benetakotasunaz eta gordetzen dituen bitxi kultural eta naturalez ohartuta, eta jendearekin ezagutza partekatuz gozatzen dudanaz jabetuta, Walk on the Basque Side sortu dut, Euskal Herrian zehar bisita gidatuak diseinatzeko eta egiteko, benetako esperientzia bat bizi nahi duen ororentzat. Izen hori jarri nion nire proiektuari, Lou Reeden Walk on the Wild Side abestiaren omenez. Izan ere, abesti hori izugarri gustatzen zait eta bidaia batek aurkikuntzarekiko dakarren zaletasunarekin konektatzen nau.

PLAN BAT PROPOSATUKO DIZUT

 

Zuk esan Euskal Herriaren zein alderdi ezagutu nahi duzun eta nik ibilbide bat diseinatuko dizut, ezagut dezazun eta sakonean uler dezazun. Ondoan izango nauzu, zu gidatzeko eta, edozein euskaldun bezala, etxean senti zaitezen.

Zure esperientzia diseinatzen hasteko, Nire Walkak, izeneko atalean begiratu bat eman dezazun gomendatzen dizut: bertan, Euskal Herriko ibilbide klasikoetan oinarritutako proposamenak aurkituko dituzu, orientatzeko balioko dizutenak. Halaber, gomendatzen dizut Inspirazioak, atala esplora dezazun, bertan, Euskal Herriko kultura, natura eta bitxikeriei buruz idazten dudan bloga aurkituko duzu.

Ondarea interpretatzeko Interpret Europe, elkarteko kidea naiz. Nitaz gehiago jakin nahi baduzu nire webgune profesionalera ere sar zaitezke. Idatzi eta has gaitezen elkarrekin planifikatzen zure Walk on the Basque Side.

Member-white_outline

Reservar